Batzuek laranja-zukua kolpe batean edaten dute bitaminak gal ez ditzan; beste batzuek uste dute txiklea irentsiz gero sabelean itsatsita geratuko zaiela; eta badira korrika egitera irten aurretik luzatzea ezinbestekoa dela sinesten dutenak ere. Egia ala gezurra? Artikulu honetan argitzen saiatuko gara, behintzat korrikaren munduari dagokionez. 😉 Prest? Kontatuko dizugu zein den luzaketak egiteko unerik onena.
Ona al da korrika egin aurretik luzatzea?
Gaia behar bezala azaltzeko, gaur kirolaren munduko mito handietako bataztertuko dugu. Eskolan irakatsi digute, gimnasioetan entzun dugu eta korrikalari lagunen artean ere etengabe aipatzen da. Baina ikerketa zientifikoek zalantzan jarri dute: korrika egin aurretik beti luzatu behar dela!
Ezaguna egiten zaizu, ezta? Bada, EZ DA HORRELA. Izan ere, luzaketa estatiko luzeak, muskuluak eta tendoiak luzatuz malgutasuna hobetzea helburu dutenak, ez dira derrigorrez gomendatzen korrika egin aurretik. Zergatik? Korrikan erabiltzen diren muskuluen indarra aldi baterako murriztu dezaketelako, eta horrek entrenamenduaren eraginkortasunean eragin dezakeelako.
Hori gertatzen da, besteak beste, korrika-saio baten aurretik muskuluak eta tendoiak ez daudelako beti luzaketa gogorretarako prestatuta. Horregatik, korrika hasi aurretik luzaketa estatikoak behartuz eginez gero, gure gaitasun muskularra murriztea gerta daiteke, hau da, motelago ibili eta ahalegin handiagoa egiten dugula sentitzea luzaketarik egin gabe baino.
Entrenatu aurretik, hobe da minutu batzuez lasai korrika egitea, berotzeko eta muskuluak aktibatzeko. Horrela, bihotz-maiztasuna, gorputz-tenperatura eta odol-zirkulazioa handitzen lagunduko duzu, gorputza prestatzeko eta eraginkorrago korrika egiteko.
Korrika egin ondoren luzaketak egiteak muskuluak lantzen laguntzen du, nahiz eta ez den derrigorrezkoa entrenamendu guztietan.
Eta korrika egin ondoren?
A, gazella, hori beste kontu bat da! Korrika egin ondoren, ordea, bost minutu inguru luzaketak egiten ematea gomendagarria izan daiteke, bereziki ariketaren ostean tentsio handiagoa hartzen duten eremuetan (bikiak, iskiosuralak, aldakako flexoreak eta koadrizepsak). Nolanahi ere, ez da ezinbestekoa korrika amaitu bezain laster egitea. Ez dago froga argirik bukatu eta berehala egindako luzaketak eraginkorragoak direnik; beraz, une horretan astirik ez baduzu, geroago egin ditzakezu arazorik gabe.
Zergatik da une aproposa? Izan ere, muskuluetan tentsioa pilatu daiteke, eta luzaketek malgutasuna lantzen laguntzen dute ariketaren ondoren.
Egokiena minutu batzuk ematea da, muskuluak atsedenean duten posiziotik pixka bat harago luzatuz ariketa leun eta mantenduak egiteko. Egin pixkanaka, presarik gabe, eta luzatzen ari zarela adierazten duen tiratze leuna sentituko duzu. Ez behartu gorputza: nahikoa da tentsio arina sumatzea eta jarrera hamar edo hamabost segundoz mantentzea.
Baina badago gehiago, eta agian ez zenekien: ez duzu zertan entrenamendu guztietan luzaketak egin, gazella. Agian orain «adarra jotzen ari zaizkidate»pentsatzen ari zara, baina ez. Hilekoaren zikloan zehar malgutasuna alda daiteke; beraz, gorputzaren egoerari erreparatzea komeni da.
Orain badakizu: laranja-zukuak ez ditu bitaminak berehala galtzen, txiklea ez zaizu sabelean itsatsiko (baina hobe ez irenstea!) eta korrika egin aurreko luzaketak ez dira beti beharrezkoak, ezta gomendagarriak ere. 😉
Korrika hasi aurretik berotu pixka bat, entrenatu zure erritmoan eta egin luzaketa leunak amaitzean, gehiegi behartu gabe. Horiek dira gakoak!
